የአዲስ አበባ ባህል፣ ኪነጥበብና ቱሪዝም ቢሮ

አመሠራረት

የአዲስ አበባ ከተማ አስተዳደር ባህል፣ኪነ-ጥበብና ቱሪዝም ቢሮ ግንቦት ወር 2000 ዓ.ም.የከተማ አስተዳደሩን አስፈፃሚ አካላት ለማቋቋም በተዘጋጀው አዋጅ መሰረት የባህልና ቱሪዝም ቢሮ በሚል ስያሜ የተቋቋመ ነዉ፡፡

በዚህም የባህል ዘርፉ ከባህልና ማስታወቂያ ቢሮ የቱሪዝም ዘርፉ ደግሞ ከንግድና እንዱስትሪ ቢሮ ተለይተዉ በአንድ ላይ 17 የሰዉ ኃይል ይዞ እንዲደራጁ ተደርጓል፡፡

በ2011 ዓ.ም ደግሞ በሀገራችን እና በከተማችን የተካሄደዉን ለዉጥ መነሻ በማድረግ የኪነ-ጥበብ ዘርፉ ትኩረት ተሰቶት እራሱን ችሎ እንደ ዘርፍ እንዲደራጅ ተደርጓል፡፡ በዚህም የቢሮዉ ስያሜ ወደ ባህል፣ ኪነ-ጥበብና ቱሪዝም ቢሮ ተቀይሯል፡፡

የባህል ዘርፍ ልማታዊ አስተዋጽኦ እንዲስፋፋ ያድርጋል፤ ባህል፣ ኪነጥበብ፣ ሥነ ጥበብ እና የፈጠራ ችሎታ በከተማው ውስጥ እንዲዳብርና እንዲስፋፋ ያደርጋል፤ ጎጂ ልማዳዊ ድርጊቶችና ግብረ-ገባዊ ያልሆኑ ድርጊቶችን የሚያራምዱና የሚያስፋፉ እንቅስቃሴዎችን ይከታተላል፤ ከሚመለከታቸው አካላት ጋር በመቀናጀት ሕጋዊ እርምጃ እንዲወስድ ያደርጋል፤
የኪነጥበብ ዘርፉ ...
የቱሪዝም ዘርፉ...

ቢሯችን

የአዲስ አበባ ከተማ አስተዳደር ባህል፣ ኪነጥበብና ቱሪዝም ቢሮ

የአዲስ አበባ ከተማ አስተዳደር ባህል፣ኪነ-ጥበብና ቱሪዝም ቢሮ ግንቦት ወር 2000 ዓ.ም. የከተማ አስተዳደሩን አስፈፃሚ አካላት ለማቋቋም በተዘጋጀው አዋጅ መሰረት የባህልና ቱሪዝም ቢሮ በሚል ስያሜ የተቋቋመ ነዉ፡፡

የአዲስ አበባ ከተማ አስተዳደር ባህል፣ ኪነ-ጥበብና ቱሪዝም ቢሮ ከዚህ ቀጥሎ የተዘረዘሩትን ዋና ዋና ሥልጣንና ተግባራት አሉት፡፡

በከተማው ውስጥ የሚገኙትን ታሪካዊ ቅርሶች ያጠናል፣ በህጉ መሰረት ይጠብቃል፣ ያስጠብቃል፣ በከተማዋ ውስጥ የሚገኙትን የተለያዩ ብሔሮች ብሔረሰቦችና ህዝቦች ታሪክና ባህል ተመዝግቦ እንዲያዝ ያደርጋል፣ የባህል ሙዚየሞችን ያደራጃል ፣ ያስተዳድራል፣ ቋንቋዎች እንዲጠኑ እና ሥነ-ጽሁፍ ፣ ኪነ-ጥበብና ሥነ-ጥበብ እንዲዳብሩ ያደርጋል፡፡

ማህበራዊ እድገትን የሚያጓትቱ አመለካከቶችን እና ልማዳዊ አሰራሮችን የመለወጥ ተግባራትን ያከናውናል፡፡

ከተማችን ውስጥ ባህል፣ ኪነ-ጥበብና የፈጠራ ችሎታ እንዲሰፉ እና እንዲዳብሩ ያደርጋል፡፡ ጎጂ ልማዳዊ ድርጊቶች እንዲወገዱ ፣ ግብረ ገባዊ ያልሆኑ ድርጊቶችን የሚያራምዱ እና የሚያስፋፉ ሌሎች ጎጂ እንቅስቃሴዎችን ይከታተላል በአንፃሩ ልማታዊ ባህሎቻችን፣ ...
የአዲስ አበባ ቲያትርና ባህል አዳራሽ፣ የራስ ቲያትር፣ የሀገር ፍቅር ቲያትር፣ የህጻናትና ወጣቶች ቲያትር ቤቶችን እና የሲኒማ ቤቶች ድርጅት በበላይነት ይመራል፣ ያስተባብራል፡፡እንዲሰርፁ ይሰራል፡፡ ብሎም ከሚመለከታቸው አካላት ጋር በመቀናጀት ህጋዊ እና አስተማሪነት ያለው እርምጃ እንዲወሰድ ያደርጋል፡፡

በከተማ አስተዳደሩ ስር የሚገኙ ቤተ-መጻህፍትንና ቤተ-መዘክሮችን ያስተዳድራል፣ ይመራል፡፡

የሥነ-ጥበብ እና የፈጠራ ችሎታ በከተማው እንዲዳብርና እንዲሰራ ይደረጋል፡፡

አዳዲስ ቤተ-መጽሀፍቶችን እና ቤተ-መዘክሮች እንዲቋቋሙና እንዲስፋፉ ያደርጋል፡፡ በባህል ዘርፍ የህዝቡን ተሳትፎ መሰረት ለማስያዝ ሌሎች የባህል ተቋማት እንዲስፋፉ ያደርጋል፡፡

የከተማዋን የቱሪስት መስህቦች የሀገር ውስጥና የውጭ ሀገር ጎብኚዎች ከተማዋን እንዲጎበኝዋት ትኩረት ሰጥቶ ይሰራል፡፡

የቱሪስት መስህቦች ተለይተው እንዲታወቁና ለጎብኚዎች አመቺ ሆነው እንዲለሙ፣ እንዲደራጁ እና የቱሪስት አገልግሎት ሰጭ ድርጅቶች እንዲስፋፉ በማድረግ የከተማው ነዋሪ በተለይም በቱሪዝም ዘርፍ የተሰማሩ ባለ ድርሻ አካላት ተጠቃሚ እንዲሆኑ ያደርጋል፡፡

ለባህል እና ለቱሪዝም አገልግሎት ሰጭ ተቋማት የሙያ ብቃት ማረጋገጫ ይሰጣል፣ አፈፃፀሙን ይከታተላል፣ የሙያ ብቃት የማደስ አገልግሎት ይሰጣል፡፡

የቱሪስቶች ደህንነት እንዲረጋገጥ ከሚመለከታቸው አካላት ጋር በጋራ ይሰራል፡፡

የቱሪዝም ዘርፉን አገልግሎት ለማሳለጥ ሲባል የሥልጠናና የምክር አገልግሎት ለሚያስፈልጋቸው አካላት አገልግሎቱን ይሰጣል፡፡

ባህልና ቱሪዝም ነክ የሆኑ መረጃዎችን የማዘጋጀት ፣የማሰባሰብ፣ የመተንተን እና የማሰራጨት ስራ ይሰራል፡፡

በከተማችን ውስጥ የሚንቀሳቀሱ የኪነ-ጥበብ እና የቱሪዝም ማህበራትን እና ክበባትን በህጉ መሰረት ይመዘግባል፣ ፈቃድ ይሰጣል፣ ይከታተላል ፣ ይቆጣጠራል እንዲሁም በባህልና ቱሪዝም ዘርፍ የተሰማሩ መንግሥታዊ እና መንግሥታዊ ላልሆኑ ተቋማት ድጋፍ ያደርጋል፡፡

ራዕይ

ባህላዊ ፣ ኪነ-ጥበባዊ፣ ተፈጥሯዊ፣ እና ታሪካዊ ሀብቶችን የሚያለማ፣ የሚንከባከብና የሚጎበኝ ህብረተሰብ በመፍጠር በ2017 ዓ.ም አዲስ አበባን ተመራጭ ከሆኑ አምስት የአፍሪካ ዋና ዋና የቱሪስት መዳረሻዎች እና የባህል ማዕከላት መካከል አንዷማድረግ፣

ተልዕኮ

የከተማዋን ባህላዊ፣ ኪነ-ጥበባዊ ተፈጥሯዊ እና ታሪካዊ ሀብቶች የሚወድ፣ የሚጠብቅ፣ የሚያበለፅግና ወደ ልማት የሚቀይር የተለወጠ ትውልድ በመፍጠር ባህልና ኪነ-ጥበብን ዋንኛ የልማት ሀይል በማድረግ እና የቱሪስት መሰህቦችን በማስተዋወቅ የህብረተሰቡን ተጠቃሚነት ማረጋገጥ ነው፡፡ ይህን ተልዕኮ ለማሳካት ቢሮው ለህብረተሰቡ ግንዛቤ የማስጨበጥ ሥራና የፕሮሞሽን ሥራን የህብረተሰቡን ተሳትፎና ተጠቃሚነት ከማረጋገጥ አንፃር ትኩረት ሰጥቶ ይሰራል፡

እሴቶች

ብዝሃነትን ማክበር
እንግዳ ተቀባይነት
ግልጽነት
ተጠያቂነት
ለለውጥ ዝግጁነት
የላቀ አገልግሎት
አሳታፊነት
ሙያዊ ብቃትን ማሳደግ

እንኳን ወደ አዲስ አበባ በደህና መጡ

የአፍሪካ መዲና አዲስ አበባ